Destina il 5‰ alla nostra associazione:
Friûl Adventures - Fiore O.D.V. - C.F. 02137800302
NEWS - 17.12.2006
No si fâs cussì però!
Prime dut un amôr, ma ce biel ch'i tu sês, ven cà fasiti cjareçâ... e po dopo fatis lis foto pal calendari... puff... sparîts ducj..., ne une telefonade, ne une e-mail ne un esssemmesse, nuie di nuie! Bon, mi veis regalade une bielissime maiute, ma dopo mi veis lassât achì, bessôl rampit, propit come un cjan vè... e nol è nuie ce ridi...
I soi scugnût vignî a dâ un cuc achì, sul sît internet, par savei li ultimis novitâts, ma ancje chì mi pâr ch'al è menzà un pieç ch'a nol passe plui nissun.
I ai mandadi une e-mail a chel cjastron dal webmestri (e crodeimi, par me, mandâ une e-mail al è un sfuarç migo di pôc, che mi ingredei simpri lis talpis daûr intôr da curdele dal mouse) e chel mi à spiegât che di cheste stagjon grandis novitâts no'nd'è e che però, ca di cualchi dì, al sarà pront il gjornalut e li i varai ce lei...
Poben sarà ancje cussì ma intant mi pâr che si seis ducj smenteâts di me, i tornareis ben dongje, us pîsi par une gjambe io vè, atri che balis!
A ogni mût, mediant ch'i sin sot fiestis, i aprofîti par fâ a ducj i auguris di bon nadâl e di un 2007 cun plui ues par ducj!
Mandi mandi... ops... i volevi dî BAU, BAU, ARF, ARF, BAU!
Iago
